Истифодабарандагони гиромӣ! Сомонаи расмии Маркази миллии қонунгузории назди Президенти Ҷумҳурии Тоҷикистон (www.mmk.tj) вобаста ба дастрасии озод ва ройгони матнҳои санадҳои меъёрии ҳуқуқии амалкунандаи Ҷумҳурии Тоҷикистон пайваста такмил дода мешавад.

Дар сомона саҳифаи  «Қонунгузории Ҷумҳурии Тоҷикистон» бо зиёда аз 520 матни санадҳои меъёрии ҳуқуқии амалкунандаи Ҷумҳурии Тоҷикистон бо ду забон: тоҷикӣ ва русӣ баҳри истифодабарии Шумо пешниҳод гардидааст. Дар баробари қонунҳои конститутсионӣ, қонунҳо ва кодексҳо, инчунин матни Барномаҳои давлатии амалкунанда мавриди истифодаи шаҳрвандон ва ташкилотҳо гардонида шудааст. Ҳамзамон матни Консепсияҳои ҳуқуқӣ ва Стратегияҳои давлатӣ низ дар муҳлатҳои наздик ба сомона ворид карда мешаванд.

Қайд кардан ба маврид аст, ки ҳамасола аз сомонаи расмии Маркази миллии қонунгузорӣ зиёда аз 900 ҳазор истифодабарандаи дохили кишвар ва берун аз он истифода мебаранд.

Суроғаи сомонаи мо: www.mmk.tj 

Суроғаи почтаи электронии мо: info@mmk.tj